History of Ancient India Foreign Invasion of India Part - 2. Use for all competitive Exams.ಭಾರತದ ಮೇಲೆ ವಿದೇಶಿಯರ ದಾಳಿಗಳು ಭಾಗ 2.

ಪ್ರಾಚೀನ ಭಾರತದ ಇತಿಹಾಸ

ಭಾರತದ ಮೇಲೆ ವಿದೇಶಿಯರ ದಾಳಿ ಗಳು ಭಾಗ-2.

ಕುಶಾನರು.

ಮೌರ್ಯ ಸಾಮ್ರಾಜ್ಯದ ಅವನತಿಯ ನಂತರ ಉತ್ತರ ಭಾರತದಲ್ಲಿ ಅತ್ಯಂತ ವಿಶಾಲವಾದ ಸಾಮ್ರಾಜ್ಯ ವಿಸ್ತರಿಸಿದ ಕೀರ್ತಿ ಕುಶಾನರದು. ಇವರು ಮೂಲತಃ ಚೀನಾದ ಯೂ-ಚಿ ಬುಡಕಟ್ಟಿಗೆ ಸೇರಿದ ಜನಾಂಗ ಆರಂಭದಲ್ಲಿ ಯೂ-ಚಿ ಗಳಲ್ಲಿ ಹುಪ್ಪಿ, ತುಪ್ಪು, ಕುಲಿಶಾಂಗ್, ಹಿಲಿಯಾನ್ ಮತ್ತು ಕ್ರಿಷಾಂಗ್ ಎಂಬ ಐದು ಪಂಗಡಗಳಿದ್ದವು. ಕ್ರಿಷಾಂನ್ ಪದವೇ ಪ್ರಸಿದ್ದಿಯಾಗಿ ಕುಶಾನ ಎಂಬ ಹೆಸರು ಪಡೆಯಿತು. ಕ್ರಿಷಾಂಗ್ ಪಂಗಡದ ನಾಯಕ ಒಂದನೇ ಕುಜಲ ಕಢಫಿಸಸ್ ಐದು ಪಂಗಡಗಳನ್ನು ಒಂದುಗೂಡಿಸಿ ಕುಶಾಣ ಮನೆತನದ ಸ್ಥಾಪಕನಾದನು.

ಒಂದನೇ ಕುಜಲ್ ಕಢಫಿಸಸ್ ಸಾಮಾನ್ಯ ಶಕ 15 ರಿಂದ 65.

◾ಈತ ಕುಶಾನ ಮನೆತನದ ಸ್ಥಾಪಕ.

◾ಈತ ಐದು ಪಂಗಡಗಳನ್ನು ಒಂದುಗೂಡಿಸಿದಕ್ಕಾಗಿ ವಾಂಗ್ ಎಂಬ ಬಿರುದು ಪಡೆದರು.

◾ಇಂಡೋ ಗ್ರೀಕರು ಪಾರ್ಥಿಯನ್ನರು ಮತ್ತು ಶಕರನ್ನು ಸೋಲಿಸಿ ಅಪಘಾನಿಸ್ತಾನ್, ತಕ್ಷಶಿಲೆ. ಪೇಜಾವರ ,ಸಿಂಧ್ ಮತ್ತು ಪಂಜಾಬ ಪ್ರಾಂತ್ಯಗಳನ್ನು ವಶಪಡಿಸಿಕೊಂಡನು.

◾ಪೇಷಾವರ ಅಥವಾ ಪುರುಷಪುರವನ್ನು ತನ್ನ ರಾಜಧಾನಿಯಾಗಿ ಮಾಡಿಕೊಂಡನು.

◾ಈತನ ಸಾಮ್ರಾಜ್ಯವು ಪರ್ಷಿಯಾದಿಂದ ಸಿಂಧೂ ನದಿಯವರೆಗೆ ವಿಸ್ತರಿಸಿತ್ತು.

◾ಚೀನಾ ಮತ್ತು ರೋಮನ್ ಸಾಮ್ರಾಜ್ಯಗಳೊಂದಿಗೆ ವಾಣಿಜ್ಯ ಸಂಪರ್ಕ ಹೊಂದಿದ್ದನು.

◾ಬೌದ್ಧ ಮತಾವಲಂಬಿಯಾಗಿದ್ದರು ರೋಮನ್ ಮಾದರಿಯಲ್ಲಿ ದಿನಾರ್ ಎಂಬ ತಾಮ್ರದ ನಾಣ್ಯಗಳನ್ನು ಚಲಾವಣೆಗೆ ತಂದನು.

◾ ಚೀನಾದ ಅರಸರಿಗೆ ಕಪ್ಪ-ಕಾಣಿಕೆ ಸಲ್ಲಿಸುತ್ತಿದ್ದನು.

◾ಈತನಿಗೆ ರಾಜಾಧಿರಾಜ, ಧರ್ಮಮಹಾರಾಜ ಎಂಬ ಬಿರುದುಗಳಿದ್ದವು.

ಎರಡನೇ ಕುಜಲ್ ಕಡಫಿಸಸ್ ಸಾಮಾನ್ಯ ಶಕ 65ರಿಂದ 78.

◾ಒಂದನೇ ಕುಜಲ್ ಕಢಫಿಸಸ್ ನ್ ಮಗನಾಗಿದ್ದಾನೆ.

◾ ಭಾರತದ ಭೂಪ್ರದೇಶಗಳನ್ನು ಗೆದ್ದ ಮೊದಲ ಕುಶಾನರ ಅರಸ.

◾ತಂದೆಗಿಂತಲೂ ವಿಶಾಲವಾದ ಸಾಮ್ರಾಜ್ಯ ಹೊಂದಿದನು.

◾ಶಿವನ ಆರಾಧಕನಾಗಿದ್ದನು.

◾ಚೀನಾದ ಅರಸರಿಗೆ ಕಪ್ಪಕಾಣಿಕೆ ಸಲ್ಲಿಸುತ್ತಿದ್ದನು.

◾ಭಾರತಕ್ಕೆ ಶುದ್ಧ ಬಂಗಾರದ ನಾಣ್ಯಗಳನ್ನು ಪರಿಚಯಿಸಿದ ಮೊಟ್ಟ ಮೊದಲ ಅರಸ.

◾ಈತನಿಗೆ ಸಮಗ್ರ ಪ್ರಪಂಚದ ಒಡೆಯ ತ್ರೈಲೋಕೇಶ್ವರ ರಾಜ ರಾಜ ಮತ್ತು ಮಹೇಶ್ವರ ಎಂಬ ಬಿರುದುಗಳಿದ್ದವು.

ಕನಿಷ್ಕ. ಸಾಮಾನ್ಯ ಶಕ 78 ರಿಂದ 120.

◾ಕುಶಾನರ ಪ್ರಸಿದ್ದ ದೊರೆ.

◾ಸಾಮಾನ್ಯ ಶಕ 78ರಲ್ಲಿ ಶಕ ವರ್ಷವನ್ನು ಪ್ರಾರಂಭಿಸಿದನು.

◾ ಚೀನಾದ ಅರಸ ಷಾನ್ ಯಾಂಗನನ್ನು ಸೋಲಿಸಿ ಅವನ ವಶದಲ್ಲಿದ್ದ ಕುರ್ಸಾನ, ಯಾರ್ಕಂದ್ ಮತ್ತು ಕೋಥಾನ ಎಂಬ ಪ್ರದೇಶಗಳನ್ನು ವಶಪಡಿಸಿಕೊಂಡನು.

◾ಚೀನಾಕ್ಕೆ ನೀಡುತ್ತಿರುವ ಕಪ್ಪ ಕಾಣಿಕೆಯನ್ನು ಸಂಪೂರ್ಣ ನಿಲ್ಲಿಸಿದನು.

◾ಮಗದ ರಾಜಧಾನಿ ಪಾಟಲಿಪುತ್ರದ ಮೇಲೆ ದಾಳಿ ಮಾಡಿ ಅಶ್ವಘೋಷ ಎಂಬ ಸಾಹಿತಿಯನ್ನು ಅಪಹರಿಸಿಕೊಂಡು ಬಂದನು.

◾ಸಾಮಾನ್ಯ ಶಕ 102 ರಲ್ಲಿ ಕಾಶ್ಮೀರದಲ್ಲಿ ನಾಲ್ಕನೇ ಬೌದ್ಧ ಸಮ್ಮೇಳನ ಏರ್ಪಡಿಸಿ ಬೌದ್ಧ ಧರ್ಮದ ಪ್ರಚಾರಕ್ಕಾಗಿ ತನ್ನ ಸೈನಿಕರನ್ನು ಇಂಡೋನೇಷಿಯಾ, ಮಲೇಶಿಯಾ ,ಟಿಬೆಟ್, ಭೂತಾನ್, ನೇಪಾಳ, ಚೀನಾ, ಉತ್ತರ ಕೊರಿಯಾ ಮತ್ತು ಜಪಾನ್ ರಾಷ್ಟ್ರಗಳಿಗೆ ಕಳುಹಿಸಿದನು. ಅದಕ್ಕಾಗಿ ಇವನನ್ನು ಮೂರನೆಯ ಬುದ್ಧ ಮತ್ತು ಎರಡನೆಯ ಅಶೋಕ ಎಂದು ಕರೆಯುತ್ತಾರೆ.

◾ ಕನಿಷ್ಕ ಭಾರತಕ್ಕೆ ಮೊಟ್ಟ ಮೊದಲ ಬಾರಿಗೆ ಬೂಟ್ ಮತ್ತು ಟೋಪಿಗಳನ್ನು ಪರಿಚಯಿಸಿದನು.

◾ಆಸ್ಥಾನದಲ್ಲಿದ್ದ ಪ್ರಸಿದ್ಧ ವೈದ್ಯರು ಚರಕ ಮತ್ತು ಶುಶ್ರುತ.

◾ಆಸ್ಥಾನದಲ್ಲಿದ್ದ ಪ್ರಸಿದ್ಧ ಸಾಹಿತಿಗಳು ವಸುಮಿತ್ರ , ಅಶ್ವಘೋಷ, ಒಂದನೇ ನಾಗಾರ್ಜುನ ಎರಡನೇ ನಾಗರ್ಜುನ ಮತ್ತು ವಾಗ್ಭಟರು.

◾ಈತನಿಗೆ ಕೈಸರ್ ಮತ್ತು ಸೀಜರ್, ದೇವಪುತ್ರ ಮಹಾರಾಜಾಧಿರಾಜ ಎಂಬ ಬಿರುದು ಬಂದಿದ್ದವು.

◾ಸಾಮಾನ್ಯ ಶಕ 120 ರಲ್ಲಿ ತನ್ನ ಎರಡನೇ ದಾಳಿ ಚೀನಾದ ಮೇಲೆ ಮಾಡಬೇಕೆಂದಾಗ ತನ್ನ ಸೈನಿಕರಿಂದಲೇ ವಿಷಪ್ರಾಶನಕ್ಕೆ ಒಳಗಾಗಿ ಮರಣಹೊಂದಿದನು.

◾ ಕನಿಷ್ಕ ನಂತರ ಹುವಿಷ್ಕ, ಎರಡನೇ ಕನಿಷ್ಕ ಮತ್ತು ವಸುದೇವ ಎಂಬ ಅರಸರು ಆಡಳಿತ ಮಾಡಿದರು.

◾ಕುಶಾನರ ಕೊನೆಯ ಅರಸ ವಸುದೇವ.

ಕುಶಾನರ ಸಾಹಿತ್ಯ.

01. ಅಶ್ವಘೋಷ.

*ಬುದ್ಧಚರಿತೆ.

*ಸೂತ್ರ ಅಲಂಕಾರ.

*ವಜ್ರ ಸೂಚಿ.