ಬಾಲ್ಯವಿವಾಹ ನಿಷೇಧ (ತಿದ್ದುಪಡಿ) ಮಸೂದೆ, 2021/Child Marriage Prohibition (Amendment) Bill, 2021 Essay For PSI Aspirants

ಬಾಲ್ಯವಿವಾಹ ನಿಷೇಧ (ತಿದ್ದುಪಡಿ) ಮಸೂದೆ, 2021

Child Marriage Prohibition (Amendment)  Bill, 2021 Essay For PSI Aspirants 

💧💧

ಹಾಯ್ ಸ್ನೇಹಿತರೇ, ಎಲ್ಲರಿಗೂ ನಮಸ್ಕಾರ..!! 💐💐🙏

ಚಾಣಕ್ಯ ಕಣಜ  ಸ್ಪರ್ಧಾತ್ಮಕ ಪರೀಕ್ಷೆಗೆ ಅಧ್ಯಯನ ನಡೆಸಲು ಸಹಕಾರಿಯಾದ ಎಲ್ಲ ಪಿಡಿಎಫ್ ನೋಟ್ಸ್ ಗಳನ್ನು ಚಾಣಕ್ಯ ಕಣಜ ವೆಬ್‌ಸೈಟ್ ನಲ್ಲಿ ಉಚಿತವಾಗಿ ನೀಡಲಾಗಿದೆ/ನೀಡಲಾಗುತ್ತಿದೆ ಕೂಡ. ಅವುಗಳ ಸದುಪಯೋಗ ಪಡೆದುಕೊಳ್ಳಿ.ಈಗಿನ ಸ್ಪರ್ಧಾತ್ಮಕ ಯುಗದಲ್ಲಿ ಎಷ್ಟು ಅಧ್ಯಯನ ಮಾಡಿದರು ಕಡಿಮೆನೆ,ಹಾಗಾಗಿ ಸಮಯವನ್ನು ವ್ಯರ್ಥ ಮಾಡದೆ ಅಧ್ಯಯನಕ್ಕೆ ಬೇಕಾದ ವಿಷಯ ವಸ್ತುಗಳನ್ನು ಸಂಗ್ರಹಿಸಿ ಓದಲು ಮುಂದಾಗಿ,ಈಗಿನ ಸಂದರ್ಭಕ್ಕೆ PDF Notes ಗಳು ಸ್ಪರ್ಧಾರ್ಥಿಗಳಿಗೆ ತುಂಬಾನೆ ಉಪಯುಕ್ತ ಹಾಗಾಗಿ ಚಾಣಕ್ಯ ಕಣಜ ವೆಬ್ ಸೈಟ್ ಎಲ್ಲ ಪರೀಕ್ಷೆಗಳಿಗೆ ಉಪಯುಕ್ತವಾಗುವಂತಹ ಅನೇಕ ಪಿಡಿಎಫ್ ನೋಟ್ಸ್ ಗಳನ್ನ ಅಪಲೋಡ ಮಾಡಲಾಗಿದೆ. ನಿಮಗೆ ಬೇಕಾದ ನೋಟ್ಸ್ ಗಳನ್ನ ಮೇನ್ ಮೆನುವಿಗೆ ಹೋಗಿ ಸರ್ಚ್ ಮಾಡಿ ಡೌನಲೋಡ ಮಾಡಿಕೊಂಡ ನಿರಂತರ ಅಧ್ಯಯನ ನಿರತರಾಗಿ ನಿಮ್ಮ ಭವಿಷ್ಯಕ್ಕೊಂದು ಸರ್ಕಾರದ ಹುದ್ದೆ ಪಡೆದು ಸುಖಿಗಳಾಗಿ ಇರಿ ಎಂದು ಆಶಿಸುವ ನಿಮ್ಮ ಚಾಣಕ್ಯ ಕಣಜ. 

Chanakyakanaja website gives UPSC, RRB, KPSC , SSC, FDA, SDA, PDO, PSI, Police Constable, TET,PDF Notes, Job News, PDF Books for KPSC, ...etc ಹಾಗಾಗಿ ಸ್ಪರ್ಧಾ ಮಿತ್ರರೇ ದಿನಾಲು ಚಾಣಕ್ಯ ಕಣಜ ವೆಬ್ ತಾಣಕ್ಕೆ ಬೇಟಿ ನಿಡಿ.

ಈ ವಿಷಯ PSI ಸ್ಪರ್ಧಾರ್ಥಿಗಳಿಗೆ ತುಂಬಾ ಉಪಯುಕ್ತ. ಹಲವಾರು ಜನರಿಗೆ ಪ್ರಬಂಧ ಬರೆಯುವ ಹವ್ಯಾಸ ಇರುತ್ತದೆ.ಆದರೆ ಅದರಲ್ಲಿ ಕೆಲವಷ್ಟು ಯಶಸ್ಸನ್ನು ಕಾಣುತ್ತವೆ, ಕೆಲವು ಕೇವಲ ಬರಹಗಳಾಗಿ ಉಳಿದುಬಿಡುತ್ತವೆ. ಯಾಕೆ?  ಏಕೆಂದರೆ ಈ ಪ್ರಬಂಧ ಬರಹ ಅದರದೇ ಆದ ರೂಪುರೇಷೆಗಳನ್ನು ಹೊಂದಿರುತ್ತದೆ ಅದನ್ನ ಸರಿಯಾಗಿ ಅರಿತುಕೊಂಡರೆ ಯಾವುದೇ ವಿಷಯವನ್ನು ಕೊಟ್ಟರು ಅದ್ಭುತವಾದ ಪ್ರಬಂಧ ರಚಿಸಬಹುದು. ಆ ಕಾರಣಕ್ಕಾಗಿ ಈ ಒಂದು ಮಾಹಿತಿಯನ್ನು , ನಮ್ಮ ಚಾಣಕ್ಯ ಕಣಜ ನಿಮಗೆ ಈ ಒಂದು ಮಾಹಿತಿಯನ್ನು ಒದಗಿಸುತ್ತಿದೆ. 

💧💧

ಪ್ರಬಂಧ ಎಂದರೇನು? 

ಯಾವುದಾದರೊಂದು ಸೂಕ್ತ ವಿಷಯವನ್ನು ಆರಿಸಿಕೊಂಡು ಅದಕ್ಕೆ ಸಂಬಂಧಿಸಿದಂತೆ ವಿವೇಚಿಸುತ್ತ ಹತ್ತಾರು ವಾಕ್ಯವೃಂದಗಳನ್ನು ಬರೆಯಬಹುದು. ಇಂತಹ ಬರಹವು ಅಖಂಡವಾಗಿ ಕಲಾತ್ಮಕವಾಗಿ ಅನುಭವಪೂರ್ವಕವೆಂಬಂತೆ ಸುಂದರವಾಗಿ ರೂಪಿತಗೊಳ್ಳುವುದನ್ನು "ಪ್ರಬಂಧ "  ಎನ್ನಬಹುದು.  ಆಯ್ಕೆ ಮಾಡಿದ  ವಿಷಯದ ಬಗ್ಗೆ ತೂಕವಾಗಿ ಅಥವಾ  ಲಘುವಾಗಿ ಬರೆಯುವುದು ಅವರವರ ಮನೋಧರ್ಮ,  ಅನುಭವ,  ಸಂಸ್ಕಾರಗಳ ಮೇಲೆ  ಅನ್ವಯಿಸುತ್ತದೆ. 

ಈ ಪ್ರಬಂಧವನ್ನು3ರೀತಿಯಲ್ಲಿ  ವಿಂಗಡಿಸಬಹುದು. ವಸ್ತುನಿಷ್ಠ, ಭಾವನಿಷ್ಠ  ಮತ್ತು  ವಿಚಾರಪರ ಅಂತ. ಉದಾಹರಣೆಗೆ  ಗಡಿಯಾರ, ವಿಮಾನ, ಪೆನ್ನು  ಮುಂತಾದ ವಿಷಯಗಳ ಬಗ್ಗೆ  ಪ್ರಬಂಧಗಳನ್ನು  ಬರೆಯುವುದಾದರೆ,ಅವು ವಸ್ತುನಿಷ್ಠ   ಪ್ರಬಂಧಗಳೆನಿಸುತ್ತವೆ. ಇಂಂತಹ ಪ್ರಬಂಧಗಳನ್ನು ಹತ್ತಾರು ಮಂದಿ ಬರೆದರೂ ಎಲ್ಲವೂ  ಒಂದೇ ತೆರನಾಗಿರುತ್ತವೆ. ವಿಚಾರ ವೈವಿಧ್ಯವಿರುವುದಿಲ್ಲ . 'ಮಳೆ ಬಂದ ಮಾರನೆಯ ದಿನ ', 'ಅವನ ಕರವಸ್ತ್ರ ', 'ಆ ಪಾರ್ಕಿನಲ್ಲಿ ' ಮುಂತಾದ ವಿಷಯಗಳ  ಕುರಿತು  ಬರೆದಾಗ   ಬರಹಗಾರನ ಅನುಭವದ ಇತಿಮಿತಿಗಳು ವ್ಯಕ್ತವಾಗುತ್ತವೆ. ನಿರೂಪಣೆಯಲ್ಲಿ  ಹೊಸ ಹೊಸ ಭಾವನೆಗಳನ್ನು ನಿರೀಕ್ಷಿಸಬಹುದು. 'ಸಾರಿಗೆ  ರಾಷ್ಟೀಕರಣ',  ' ವ್ಯವಸಾಯ ಯೋಜನೆಗಳು ', 'ಶಿಕ್ಷಣ ಮಾಧ್ಯಮ ' ಮುಂತಾದವು  ವಿಚಾರಪರ  ಪ್ರಬಂಧಗಳು ಎನಿಸಿಕೊಳ್ಳಳುತ್ತವೆ. ಈ ರೀತಿಯ ವಿಚಾರಪರ ಪ್ರಬಂಧಗಳೆ PSI ಪರೀಕ್ಷೆಗಳಲ್ಲಿ ಹೆಚ್ಚಾಗಿ ಬರುತ್ತವೆ.       

ಪ್ರಬಂಧ ರಚನೆಗೆ ಸೂಕ್ತ  ವಿಷಯವನ್ನು  ಮೊದಲು  ಆಯ್ಕೆ  ಮಾಡಿಕೊಳ್ಳಬೇಕು. ಬಳಿಕ  ಪೀಠಿಕೆ,  ವಿಷಯ ನಿರೂಪಣೆ,  ಉಪಸಂಹಾರ  ಎಂಬ  ಮೂರು  ವಿಭಾಗಗಳಲ್ಲಿ  ಬರವಣಿಗೆ  ಸಾಗಬೇಕು.  ಹೀಗೆ  ಬರವಣಿಗೆ  ಸಾಗುತ್ತಿರುವಾಗ  ಪ್ರಬಂಧದ ಅಖಂಡತೆಗೆ ತೊಡಕಾಗಬಾರದು,  ಭಾವನೆಗಳು ಕಲಸುಮೇಲೋಗರವಾಗಬಾರದು. ಅಂತೆಯೇ  ಭಾಷೆಯೂ ಸಹ  ಸ್ಪಷ್ಟ  ಮತ್ತು ಶುದ್ಧವಾಗಿರಬೇಕು. ವಿಷಯ  ನಿರೂಪಣಾ   ವಿಧಾನ  ಗಂಭೀರವಾಗಿಯೂ  ಇರಬೇಕು,  ಸನ್ನಿವೇಶ,  ವಿಚಾರ  ವೈವಿಧ್ಯಕ್ಕೆ  ತಕ್ಕಂತೆ  ರಸಭಾವಗನೆಗಳ ಗಾರುಡಿಗ  ಇರಬೇಕು.  ವಿಷಯ ಸಂಗ್ರಹ,  ವಿಷಯ  ವಿಸ್ತಾರ,  ಸರಳ ಶೈಲಿ,  ಸಂಕ್ಷಿಪ್ತತೆ,  ಸುಸಂಬದ್ಧತೆ,  ವಿಷಯ ತಾರ್ಕಿಕ ಜೋಡಣೆ  ಮುಂತಾದ  ಅಂಶಗಳು ಸತ್ವಪೂರ್ಣವಾಗಿದ್ದಾಗ ಉತ್ತಮ  ಪ್ರಬಂಧ  ಮೂಡಿಬರುತ್ತದೆ. ಹೀಗೆ ಪ್ರಬಂಧ ಬರೆಯುವ ಶೈಲಿ ನಿಮ್ಮದಾದರೆ PSI ಪರೀಕ್ಷೆಯಲ್ಲಿ ಪ್ರಬಂಧ ಬರಹಕ್ಕೆ out of out ಅಂಕಗಳು ನಿಮಗೆ ದೊರೆಯುತ್ತವೆ. 

💧💧

ಬಾಲ್ಯವಿವಾಹ ನಿಷೇಧ (ತಿದ್ದುಪಡಿ) ಮಸೂದೆ, 2021

Child Marriage Prohibition (Amendment)  Bill, 2021 Essay For PSI Aspirants 

ಬಾಲ್ಯವಿವಾಹ ನಿಷೇಧ (ತಿದ್ದುಪಡಿ) ಮಸೂದೆ, 2021

ಮಹಿಳೆಯರು ವಿವಾಹವಾಗುವ ಕಾನೂನುಬದ್ಧ ವಯಸ್ಸನ್ನು ಪ್ರಸ್ತುತ 18 ವರ್ಷದಿಂದ 21 ವರ್ಷಕ್ಕೆ ಏರಿಸುವ ಉದ್ದೇಶದಿಂದ, ಬಾಲ್ಯವಿವಾಹ ನಿಷೇಧ (ತಿದ್ದುಪಡಿ) ಮಸೂದೆ, 2021ನ್ನು, ಡಿಸೆಂಬರ್ 2021ರ ಸಂಸತ್ತಿನ ಚಳಿಗಾಲದ ಅಧಿವೇಶನದಲ್ಲಿ ಕೇಂದ್ರ ಸಚಿವ ಸಂಪುಟವು ಪರಿಚಯಿಸಿತು.ಮಸೂದೆಯನ್ನು ವಿವರವಾದ ಪರಿಶೀಲನೆಗಾಗಿ ಸಂಸದೀಯ ಸ್ಥಾಯಿ ಸಮಿತಿಗೆ ಕಳುಹಿಸಲಾಗಿದೆ.ಈ ಮಸೂದೆ ಸಾಕಷ್ಟು ಪರ - ವಿರೋಧಗಳೊಂದಿಗೆ ಚರ್ಚೆಯಲ್ಲಿದೆ. ಬನ್ನಿ, ಸಂಕ್ಷಿಪ್ತವಾಗಿ ಚರ್ಚಿಸೋಣ.

⧪19 ನೇ ಶತಮಾನದಲ್ಲಿ, ಭಾರತೀಯ ಮಹಿಳೆಯರ ಮದುವೆಯ ವಯಸ್ಸು ಸರಾಸರಿ 10 ವರ್ಷಗಳಾಗಿತ್ತು.

⧪1928 ರಲ್ಲಿ ದೇಶದಲ್ಲಿ ಮೊದಲ ಬಾರಿಗೆ, "ಶಾರದಾ ಕಾಯಿದೆ” ಎಂದು ಪ್ರಸಿದ್ಧವಾದ ಬಾಲ್ಯ ವಿವಾಹ ತಡೆ ಕಾಯ್ದೆ (Child Marriage Restraint Act - CMRA), 

⧪1929 ಮೂಲಕ ಮದುವೆಯ ಕನಿಷ್ಠ ವಯಸ್ಸನ್ನು ಹುಡುಗಿಯರಿಗೆ 14 ವರ್ಷಗಳು ಮತ್ತು ಹುಡುಗರಿಗೆ 18 ವರ್ಷಗಳು ಎಂದು ನಿಗದಿಪಡಿಸಲಾಯಿತು.

⧪1949 ರಲ್ಲಿ, ಇದನ್ನು ಹುಡುಗಿಯರಿಗೆ 15 ವರ್ಷಗಳಿಗೆ ಹೆಚ್ಚಿಸಲಾಯಿತು.

⧪1978 ರಲ್ಲಿ, ಹುಡುಗಿಯರು ಮತ್ತು ಹುಡುಗರ ವಯಸ್ಸನ್ನು ಕ್ರಮವಾಗಿ 18 ಮತ್ತು 21 ವರ್ಷಗಳಿಗೆಹೆಚ್ಚಿಸುವ ತಿದ್ದುಪಡಿಯನ್ನು ಅಂಗೀಕರಿಸಲಾಯಿತು.

ಹಿಂದಿನ ಬಾಲ್ಯ ವಿವಾಹ ತಡೆ ಕಾಯ್ದೆ (Child Marriage Restraint Act - CMRA) ಬದಲಾಗಿ, ಭಾರತ STOFON WOV Dwox JB JOB (Prevention of Child Marriage Act - PCMA), 2006ಅನ್ನು ಜಾರಿಗೆ ತಂದಿತು, ಇದು ಬಾಲ್ಯ ವಿವಾಹಗಳನ್ನು ನಿಷೇಧಿಸುವ ಮತ್ತು ಸಂತ್ರಸ್ತರಿಗೆ ರಕ್ಷಣೆ ಹಾಗೂ ನೆರವು ನೀಡುವ ಧೈಯಹೊಂದಿದೆ.

💧💧

➤ಭಾರತದಲ್ಲಿ ವಿವಾಹಕ್ಕೆ ಸಂಭಂದಿಸಿದ ಇತರೆ ಕಾಯ್ದೆಗಳು:

⧪ವಿಶೇಷ ವಿವಾಹ ಕಾಯ್ದೆ, 1954

⧪ಹಿಂದೂ ವಿವಾಹ ಕಾಯ್ದೆ, 1955

⧪ಮುಸ್ಲಿಂ ವೈಯಕ್ತಿಕ ಕಾನೂನು (ಶರಿಯತ್) ಅನ್ವಯ ಕಾಯ್ದೆ, 1937

⧪ಭಾರತೀಯ ಕ್ರಿಶ್ಚಿಯನ್ ವಿವಾಹ ಕಾಯ್ದೆ, 1872

⧪ಪಾರ್ಸಿ ಮದುವೆ ಮತ್ತು ವಿಚ್ಛೇದನ ಕಾಯ್ದೆ, 1936

⧪ವಿದೇಶಿ ವಿವಾಹ ಕಾಯ್ದೆ, 1969.

ಬಾಲ್ಯ ವಿವಾಹ ನಿಷೇಧ (ತಿದ್ದುಪಡಿ) ಮಸೂದೆ, 2021 ಅಂಗೀಕಾರವಾದರೆ ಅಸ್ತಿತ್ವದಲ್ಲಿರುವ ಎಲ್ಲ ಕಾನೂನುಗಳನ್ನು ಇದು ಬದಲಾಯಿಸುತ್ತದೆ.

➤ತಿದ್ದುಪಡಿ ತರಲು ಸರ್ಕಾರ ನೀಡುವ ಪ್ರಮುಖ ಆಧಾರಗಳು:

⧪ಇತ್ತೀಚಿನ ರಾಷ್ಟ್ರೀಯ ಕುಟುಂಬ ಆರೋಗ್ಯ ಸಮೀಕ್ಷೆ (National Family Health Survey - NFHS)

⧪ಜಯಾ ಜೇಟ್ಲಿ ಸಮಿತಿಯ ಶಿಫಾರಸುಗಳು.

⧪ಲಾಕ್‌ಡೌನ್ ಮತ್ತು ಕೋವಿಡ್ 19 ಸಾಂಕ್ರಾಮಿಕದ ಸಮಯದಲ್ಲಿ ಬಾಲ್ಯ ವಿವಾಹಗಳ ಸಂಖ್ಯೆ ಹೆಚ್ಚಾಗಿದ್ದು, ಬಾಲ್ಯ ವಿವಾಹವನ್ನು ತಡೆಯಲು ಸರ್ಕಾರವು ತಕ್ಷಣದ ಕ್ರಮವಾಗಿ ಈ ತಿದ್ದುಪಡಿ ತರುತ್ತಿದೆ.

⧪ಪುರುಷರಿಗೆ ಸಮಾನವಾಗಿ ಮಹಿಳೆಯರ ಮದುವೆಯ ವಯಸ್ಸಿನಲ್ಲಿ ಏಕರೂಪತೆಯನ್ನು ತರುವುದು.

⧪ತಾಯಂದಿರ ಮರಣ ಪ್ರಮಾಣ (Maternal Mortality Rate - MMR) ಮತ್ತು ಶಿಶು ಮರಣ ದರ (Infant Mortality Rate - IMR) ಗಳ ಮೇಲೆಯೂ ಬಾಲ್ಯ ವಿವಾಹವು ಪರಿಣಾಮ ಬೀರುತ್ತದೆ.

⧪ಬಾಲ್ಯ ವಿವಾಹದ ಕಾರಣದಿಂದಾಗಿ ವಿವಿಧ ಸಾಮಾಜಿಕ-ಆರ್ಥಿಕ ಪ್ರಯೋಜನಗಳಿಂದ ವಂಚಿತರಾಗುವ ಮಹಿಳೆಯರನ್ನು ಸಬಲೀಕರಣಗೊಳಿಸುವ ಉದ್ದೇಶವನ್ನು ಈ ಮಸೂದೆ ಹೊಂದಿದೆ.

💧💧

➤ರಾಷ್ಟ್ರೀಯ ಕುಟುಂಬ ಆರೋಗ್ಯ ಸಮೀಕ್ಷೆ (NFHS) ನೀಡಿದ ಆಧಾರಗಳು:

⧪2015-16ರ ನಾಲ್ಕನೆಯ ರಾಷ್ಟ್ರೀಯ ಕುಟುಂಬ ಆರೋಗ್ಯ ಸಮೀಕ್ಷೆಯು 18 ವರ್ಷಕ್ಕಿಂತ ಕಡಿಮೆ ವಯಸ್ಸಿನ 27% ಮಹಿಳೆಯರು ವಿವಾಹಿತರಾಗಿದ್ದಾರೆ ಎಂದು ಬಹಿರಂಗಪಡಿಸಿದೆ.ಅಲ್ಲದೆ ಈ ವರದಿಯಲ್ಲಿ 15 ರಿಂದ 18 ವರ್ಷ ವಯಸ್ಸಿನ 8% ಹುಡುಗಿಯರು ಗರ್ಭಿಣಿಯಾಗಿರುವುದು ಕಂಡುಬಂದಿದೆ.

⧪2019-20ರ ಐದನೆಯ ರಾಷ್ಟ್ರೀಯ ಕುಟುಂಬ ಆರೋಗ್ಯ ಸಮೀಕ್ಷೆಯು ಅಪ್ರಾಪ್ತ ವಯಸ್ಸಿನ ವಿವಾಹದಲ್ಲಿ ಸುಮಾರು 23% ಇಳಿಕೆಯಾಗಿದೆ, ಆದರೆ ಇದು ಅಸ್ತಿತ್ವದಲ್ಲಿರುವ ಕಠಿಣ ನಿಯಮಗಳನ್ನು ಪರಿಗಣಿಸಿದರೆ ಇನ್ನೂ ಗಣನೀಯ ಸಂಖ್ಯೆಯಾಗಿದೆ.

⧪ಇದಲ್ಲದೆ, ಐದನೆಯ ರಾಷ್ಟ್ರೀಯ ಕುಟುಂಬ ಆರೋಗ್ಯ ಸಮೀಕ್ಷೆ ತಿಳಿಸುವಂತೆ 15-18 ರ ನಡುವಿನ ವಯಸ್ಸಿನ 7% ಹುಡುಗಿಯರು ಗರ್ಭಿಣಿಯಾಗಿದ್ದಾರೆ.

➤ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಸಚಿವಾಲಯವು, ಜಯಾ ಜೇಟ್ಲಿ ಅವರ ನೇತೃತ್ವದಲ್ಲಿ 2020 ರಲ್ಲಿ ಸಮಿತಿಯನ್ನು ರಚಿಸಿ, ಮದುವೆಯ ವಯಸ್ಸನ್ನು ಹೆಚ್ಚಿಸುವ ಸಾಧ್ಯತೆ ಮತ್ತು ಮಹಿಳೆಯರು ಮತ್ತು ಮಕ್ಕಳ ಆರೋಗ್ಯದ ಮೇಲೆ ಆಗುವ ಪರಿಣಾಮಗಳನ್ನು ಪರಿಶೀಲಿಸಲು ತಿಳಿಸಿತ್ತು.

➤ಜಯಾ ಜೇಟ್ಲಿ ಸಮಿತಿಯ ಶಿಫಾರಸುಗಳು:

⧪ಹೆಣ್ಣುಮಕ್ಕಳ ವಿವಾಹದ ಕಾನೂನುಬದ್ಧ ವಯಸ್ಸನ್ನು 21 ವರ್ಷಕ್ಕೆ ಹೆಚ್ಚಿಸಿ.ಹೊಸ ಕಾನೂನಿನ ಸಾಮಾಜಿಕ ಅಂಗೀಕಾರವನ್ನು ಉತ್ತೇಜಿಸಲು ವಿವಾಹದ ಹೆಚ್ಚಳದ ಕುರಿತು ಜಾಗೃತಿ ಅಭಿಯಾನಗಳು ದೊಡ್ಡ ಪ್ರಮಾಣದಲ್ಲಿ ನಡೆಯಬೇಕಾಗಿದೆ.

⧪ಹೆಣ್ಣುಮಕ್ಕಳಿಗೆ ಶಿಕ್ಷಣ ಸೌಲಭ್ಯಗಳ ಅವಕಾಶಗಳನ್ನು ಹೆಚ್ಚಿಸಬೇಕು.

⧪ಶೈಕ್ಷಣಿಕ ಸಂಸ್ಥೆಗಳಲ್ಲಿ ಕೌಶಲ್ಯ ಮತ್ತು ವ್ಯಾಪಾರ ತರಬೇತಿಯ ಜೊತೆಗೆ ಲೈಂಗಿಕ ಶಿಕ್ಷಣವನ್ನು ಸೇರಿಸಬೇಕು.

⧪ಈ ಸಲಹೆಗಳನ್ನು ಜಾರಿಗೊಳಿಸಿ ಮಹಿಳೆಯರನ್ನು ಸಬಲೀಕರಣಗೊಳಿಸದಿದ್ದರೆ, ಕಾನೂನುಗಳು ಪರಿಣಾಮಕಾರಿಯಾಗುವುದಿಲ್ಲ ಎಂದು ಅಭಿಪ್ರಾಯಪಟ್ಟಿದೆ.

💧💧

➤ಬಾಲ್ಯವಿವಾಹ ನಿಷೇಧ (ತಿದ್ದುಪಡಿ) ಮಸೂದೆ, 2021ಯಿಂದಾಗುವ ಲಾಭಗಳು:

⧪ಎಲ್ಲಾ ಧರ್ಮಗಳ ಎಲ್ಲಾ ಮಹಿಳೆಯರು ಮದುವೆಯಲ್ಲಿ ಸಮಾನ ಮತ್ತು ಏಕರೂಪದ ಹಕ್ಕುಗಳನ್ನು ಪಡೆಯುತ್ತಾರೆ, ಏಕರೂಪ ನಾಗರಿಕ ಸಂಹಿತೆಯತ್ತ ಇದು ಒಂದು ಹೆಜ್ಜೆಯಾಗಬಲ್ಲದು.

⧪ಪುರುಷರು ಮತ್ತು ಮಹಿಳೆಯರ ನಡುವಿನ ವಿವಾಹದ ವಯಸ್ಸಿನಲ್ಲಿ ಏಕರೂಪತೆಯ ವಿಷಯದಲ್ಲಿ ಸಮಾನತೆಯ ಹಕ್ಕನ್ನು ಎತ್ತಿಹಿಡಿಯುತ್ತದೆ.

⧪ಮದುವೆಯ ಆರಂಭಿಕ ವಯಸ್ಸು ಮತ್ತು ಗರ್ಭಧಾರಣೆಯು ತಾಯಿ ಮತ್ತು ಮಕ್ಕಳ ಒಟ್ಟಾರೆ

ಆರೋಗ್ಯ ಮತ್ತು ಮಾನಸಿಕ ಯೋಗಕ್ಷೇಮದ ಮೇಲೆ ಸಕಾರಾತ್ಮಕ ಪರಿಣಾಮಗಳನ್ನು ಬೀರುತ್ತದೆ.

⧪ಮಹಿಳಾ ಸಬಲೀಕರಣವನ್ನು ಇನ್ನಷ್ಟು ಗಟ್ಟಿಗೊಳಿಸಬಹುದು.

➤ಬಾಲ್ಯವಿವಾಹ ನಿಷೇಧ (ತಿದ್ದುಪಡಿ) ಮಸೂದೆ, 2021ಯಿಂದಾಗುವ ತೊಂದರೆಗಳು:

⧪ಈ ಮಸೂದೆಯು ಭಾರತೀಯ ಸಂವಿಧಾನದ 19 ನೇ ವಿಧಿಯ ಅಡಿಯಲ್ಲಿ ಮೂಲಭೂತ ಹಕ್ಕುಗಳ ಉಲ್ಲಂಘನೆಯಾಗಿದೆ ಎಂದು ಟೀಕಿಸಲಾಗಿದೆ.

⧪ಈ ಮಸೂದೆಯು ಅಲ್ಪಸಂಖ್ಯಾತ ಸಮುದಾಯಗಳ ವೈಯಕ್ತಿಕ ಕಾನೂನಿಗೆ ಅಡ್ಡಿಪಡಿಸುತ್ತದೆ ಮತ್ತು ಭಾರತೀಯ ಸಂವಿಧಾನದ 25 ನೇ ವಿಧಿಯ ಉಲ್ಲಂಘನೆಯಾಗಿದೆ ಎನ್ನಲಾಗಿದೆ.

⧪18 ನೇ ವಯಸ್ಸಿನಲ್ಲಿ ಪುರುಷ ಮತ್ತು ಮಹಿಳೆ ಇಬ್ಬರೂ ಮತದಾನದ ಹಕ್ಕನ್ನು ಹೊಂದಿರುವಾಗ ಯಾವ ಆಧಾರದ ಮೇಲೆ ಮದುವೆಯ ವಯಸ್ಸನ್ನು 21 ವರ್ಷಕ್ಕೆ ನಿಗದಿಪಡಿಸಲಾಗಿದೆ? ಎಂದು ಪ್ರಶ್ನಿಸಲಾಗಿದೆ.

⧪ಮದುವೆಯ ವಯಸ್ಸನ್ನು ಹೆಚ್ಚಿಸುವುದು ಹೆಣ್ಣುಮಕ್ಕಳ ಸಂತಾನೋತ್ಪತ್ತಿ ಮತ್ತು ಲೈಂಗಿಕ ಆರೋಗ್ಯ ಸೌಲಭ್ಯಗಳನ್ನು ಪಡೆಯಲು ತೊಂದರೆ ನೀಡುತ್ತದೆ.

SCಗಳು ಮತ್ತು ST ಗಳಂತಹ ಹಿಂದುಳಿದ ಸಮುದಾಯಗಳ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತದೆ. ಈ ಕ್ರಮ ಹೆಚ್ಚಿನ ಸಂಖ್ಯೆಯ ವಿವಾಹಗಳನ್ನು ಅಪರಾಧೀಕರಿಸುತ್ತದೆ ಮತ್ತು ನ್ಯಾಯಾಂಗ ವ್ಯವಸ್ಥೆಯ ಮೇಲೆ ಅಸ್ತಿತ್ವದಲ್ಲಿರುವ ಹೊರೆಯನ್ನು ಹೆಚ್ಚಿಸುತ್ತದೆ.2018 ರಲ್ಲಿ ರಾಷ್ಟ್ರೀಯ ಮಾನವ ಹಕ್ಕುಗಳ ಆಯೋಗವು, ಉನ್ನತ ಶಿಕ್ಷಣವು ಮಹಿಳೆಯರು ಬೇಗನೆ ಮದುವೆಯಾಗುವದನ್ನು ತಡೆಯುತ್ತದೆ. ಹೀಗಾಗಿ 18 ವರ್ಷಗಳ ವಯಸ್ಸಿನವರೆಗೆ ಅನ್ವಯವಾಗುವಂತೆ ಶಿಕ್ಷಣ ಹಕ್ಕು ಕಾಯಿದೆ (Right to Education Act - RTE), 2009 ಅನ್ನು ತಿದ್ದುಪಡಿ ಮಾಡಲು ಸೂಚಿಸಿದೆ.

💧💧