ಕನ್ನಡ ವ್ಯಾಕರಣ ಭಾಗ-೨ ಅಕ್ಷರಗಳ ಉಚ್ಚಾರ ಸ್ಥಾನ,ಗುಣಿತಾಕ್ಷರಗಳು ಮತ್ತು ಸಂಯುಕ್ತಾಕ್ಷರಗಳು / Kannada Grammar Part-II Pronunciation position of letters, polynomials and compound letters

ಕನ್ನಡ ವ್ಯಾಕರಣ ಭಾಗ-೨ 

ಅಕ್ಷರಗಳ ಉಚ್ಚಾರ ಸ್ಥಾನ,ಗುಣಿತಾಕ್ಷರಗಳು ಮತ್ತು ಸಂಯುಕ್ತಾಕ್ಷರಗಳು

Kannada Grammar Part-II Pronunciation position of letters, polynomials and compound letters

ಹಾಯ್ ಸ್ನೇಹಿತರೇ ಎಲ್ಲರಿಗೂ ನಮಸ್ಕಾರ...🙏💐 ಚಾಣಕ್ಯ ಕಣಜ ವೆಬ್ ತಾಣಕ್ಕೆ ತಮಗೆಲ್ಲ ಸ್ವಾಗತ....💐

ಸ್ಪರ್ಧಾತ್ಮಕ ಪರೀಕ್ಷೆಗೆ ಅಧ್ಯಯನ ನಡೆಸಲು ಸಹಕಾರಿಯಾದ ಎಲ್ಲ ಪಿಡಿಎಫ್ ನೋಟ್ಸ್ ಗಳನ್ನು ಚಾಣಕ್ಯ ಕಣಜ ವೆಬ್‌ಸೈಟ್ ನಲ್ಲಿ ಉಚಿತವಾಗಿ ನೀಡಲಾಗಿದೆ/ನೀಡಲಾಗುತ್ತಿದೆ ಕೂಡ.ಅವುಗಳ ಸದುಪಯೋಗ ಪಡೆದುಕೊಳ್ಳಿ.ಈಗಿನ ಸ್ಪರ್ಧಾತ್ಮಕ ಯುಗದಲ್ಲಿ ಎಷ್ಟು ಅಧ್ಯಯನ ಮಾಡಿದರು ಕಡಿಮೆನೆ,ಹಾಗಾಗಿ ಸಮಯವನ್ನು ವ್ಯರ್ಥ ಮಾಡದೆ ಅಧ್ಯಯನಕ್ಕೆ ಬೇಕಾದ ವಿಷಯ ವಸ್ತುಗಳನ್ನು ಸಂಗ್ರಹಿಸಿ ಓದಲು ಮುಂದಾಗಿ,ಈಗಿನ ಸಂದರ್ಭಕ್ಕೆ PDF Notes ಗಳು ಸ್ಪರ್ಧಾರ್ಥಿಗಳಿಗೆ ತುಂಬಾನೆ ಉಪಯುಕ್ತ ಹಾಗಾಗಿ ಚಾಣಕ್ಯ ಕಣಜ ವೆಬ್ ಸೈಟ್ ಎಲ್ಲ ಪರೀಕ್ಷೆಗಳಿಗೆ ಉಪಯುಕ್ತವಾಗುವಂತಹ ಅನೇಕ ಪಿಡಿಎಫ್ ನೋಟ್ಸ್ ಗಳನ್ನ ಅಪಲೋಡ ಮಾಡಲಾಗಿದೆ. ನಿಮಗೆ ಬೇಕಾದ ನೋಟ್ಸ್ ಗಳನ್ನ ಲೇಬಲ್ಸ್ ಲಿ ಸರ್ಚ್ ಮಾಡಿ ಡೌನಲೋಡ ಮಾಡಿಕೊಂಡ ನಿರಂತರ ಅಧ್ಯಯನ ನಿರತರಾಗಿ. ನಿಮ್ಮ ಭವಿಷ್ಯಕ್ಕೊಂದು ಸರ್ಕಾರದ ಹುದ್ದೆ ಪಡೆದು ಸುಖಿಗಳಾಗಿ ಇರಿ ಎಂದು ಆಶಿಸುವ ನಿಮ್ಮ ಚಾಣಕ್ಯ ಕಣಜ.

ಕನ್ನಡ ಬಗೆಗೆ ವಿಶೇಷ ಅಧ್ಯಯನ ಮಾಡಬಯಸುವ ವಿದ್ಯಾರ್ಥಿಗಳು ವ್ಯಾಕರಣವನ್ನು ತಿಳಿದಿರುವುದು ಅವಶ್ಯಕ.  ಈ ಹಿನ್ನಲೆಯಲ್ಲಿ ನಿಮ್ಮ ಚಾಣಕ್ಯ ಕಣಜ ವ್ಯಾಕರಣ ವಿಷಯಾಂಶವನ್ನು ತರಗತಿ ವಿಭಾಗದಂತೆ ಉಪ್ಲೋಡ್ ಮಾಡುತ್ತಿದೆ. ಈಗಾಗಲೇ ಕನ್ನಡ ವ್ಯಾಕರಣ ಭಾಗ-೧ ರಲ್ಲಿ ವರ್ಣಮಾಲೆಗಳ ಬಗ್ಗೆ ತಿಳಿಸಿಕೊಡಲಾಗಿದೆ. ಅದರ ಲಿಂಕನ್ನ ಕೊಡಲಾಗುತ್ತೆ ಅದನ್ನ ಓದಿಕೊಂಡು ಈ ಮುಂದುವರಿದ ಭಾಗ ಅಧ್ಯಯನ ಮಾಡಿದರೆ ನಿಮಗೆ ವ್ಯಾಕರಣಾಂಶ ಅರ್ಥವಾಗುತ್ತಾ ಹೋಗುತ್ತೆ.ಈಗ ಕನ್ನಡ ಅಕ್ಷರಗಳ ಉಚ್ಚಾರ ಸ್ಥಾನ ಮತ್ತು ಗುಣಿತಾಕ್ಷರಗಳು ಹಾಗೂ ಸಂಯುಕ್ಷರಗಳ ಬಗ್ಗೆ ತಿಳಿದುಕೊಳ್ಳೋಣ. 

ಸಂಪೂರ್ಣ ಕನ್ನಡ ವ್ಯಾಕರಣ ಈ ಕೆಳಗಿನ ಲಿಂಕ್ ಮೂಲಕ ಹಿಂದಿನ ಅಪ್ಡೇಟ್ ಸೂಚಿಸಿದ ವ್ಯಾಕರಣಾಂಶವನ್ನು ಪಡೆಯಬಹುದು 

👉 ಕನ್ನಡ ವ್ಯಾಕರಣ ಭಾಗ-೧ ವರ್ಣಮಾಲೆಗಳು

ಅಕ್ಷರಗಳ ಉಚ್ಚಾರ ಸ್ಥಾನಗಳು

ಅಕ್ಷರಗಳ ಉಚ್ಚಾರ ಕಾಲಕ್ಕೆ ಉತ್ಪತ್ತಿ ಸ್ಥಾನ :ವರ್ಣಮಾಲೆಯಲ್ಲಿಯ ಅಕ್ಷರಗಳು ಬಾಯಿಯಲ್ಲಿ ಬೇರೆ ಬೇರೆ ಸ್ಥಾನಗಳಲ್ಲಿ ಉಚ್ಚರಿಸಲ್ಪಡುತ್ತವೆ. ಆದುದರಿಂದ ಆಯಾ ಸ್ಥಾನಗಳ ಹೆಸರುಗಳನ್ನೇ ಆ ಅಕ್ಷರಗಳು ಹೊಂದಿವೆ. ಅವುಗಳ ಉತ್ಪತ್ತಿ ಸ್ಥಾನಗಳ ಹೆಸರುಗಳು ಕೆಳಗಿನಂತಿವೆ. 

೧. ಕಂಠ್ಯ ವರ್ಣಗಳು : ಇವು ಕಂಠದಲ್ಲಿ ಹುಟ್ಟುವುದರಿಂದ ಇವನ್ನು ಕಂಠ್ಯ ವರ್ಣಗಳು ಎನ್ನುವರು.

ಉದಾ :	ಅ	ಆ	ಕ	ಖ	ಗ	ಘ	ಙ	ಹ	ವಿಸರ್ಗ(ಅಃ)

೨.ತಾಲವ್ಯ ವರ್ಣಗಳು :  ಇವು ' ತಾಲು'   ಅಂದರೆ (ಅಂಗಳಿನ ಮುಂಭಾಗ) ವಿನ ಸಹಾಯದಿಂದ ಹುಟ್ಟುವುದರಿಂದ ಇವನ್ನು ತಾಲವ್ಯ ಎನ್ನುತ್ತಾರೆ.

ಉದಾ :	ಇ	ಈ	ಚ	ಛ	ಜ	ಝ	ಞ	ಯ	ಶ

೩.ಮೂರ್ಧನ್ಯ ವರ್ಣಗಳು : ಇವು ನಾಲಿಗೆಯ ಮೇಲ್ಭಾಗವಾದ ಮೂರ್ಧ  ಅಂದರೆ (ಅಂಗಳ)ದಲ್ಲಿ ಹುಟ್ಟುವುದರಿಂದ ಇವನ್ನು ಮೂರ್ಧನ್ಯ ವರ್ಣಗಳು ಎನ್ನುತ್ತಾರೆ. 

ಉದಾ :	ಋ	ಟ	ಠ	ಡ	ಢ	ಣ	ರ	ಷ

೪. ದಂತ್ಯಾಕ್ಷರಗಳು : ಇವು 'ದಂತ' ಅಂದರೆ ( ಹಲ್ಲು )ಗಳ ಸಹಾಯದಿಂದ ಹುಟ್ಟುವುದರಿಂದ ಇವನ್ನು ದಂತ್ಯಾಕ್ಷರಗಳು  ಎನ್ನುತ್ತಾರೆ. 

ಉದಾ :	ತ	ಥ	ದ	ಧ	ನ	ಲ	ಸ

೫. ಓಷ್ಠ್ಯ ವರ್ಣಗಳು : ಇವು ' ಓಷ್ಠ ಅಂದರೆ ' (ತುಟಿ)ದಲ್ಲಿ ಹುಟ್ಟುವುದರಿಂದ ಇವನ್ನು ಓಷ್ಠ್ಯ ವರ್ಣಗಳು ಎನ್ನುತ್ತಾರೆ.

ಉದಾ :	ಉ	ಊ	ಪ	ಫ	ಬ	ಭ	ಮ	ಅಂ(ಅನುಸ್ವಾರ)

೬. ಅನುನಾಸಿಕ ಅಕ್ಷರಗಳು : ಇವು 'ನಾಸಿಕ' ಅಂದರೆ (ಮೂಗು) ದ ಸಹಾಯದಿಂದ ಹುಟ್ಟುವುದರಿಂದ ಇವನ್ನು 'ನಾಸಿಕ' ಅಥವಾ 'ಅನುನಾಸಿಕ' ಗಳೆನ್ನುತ್ತಾರೆ. 

ಉದಾ :	ಙ	ಞ	ಣ	ನ	ಮ

೭. ಕಂಠ - ತಾಲವ್ಯ ಅಕ್ಷರಗಳು : ಇವು ಕಂಠ ಮತ್ತು ತಾಲು ಗಳಲ್ಲಿ ಹುಟ್ಟುವುದರಿಂದ ಇವನ್ನು ಕಂಠ - ತಾಲವ್ಯ ಎನ್ನುತ್ತಾರೆ.

ಉದಾ :	ಎ	ಏ	ಐ

೮. ಕಂಠೌಷ್ಠ್ಯ ಅಕ್ಷರಗಳು :  ಇವು ಕಂಠ ಮತ್ತು ಓಷ್ಠ ಗಳಲ್ಲಿ ಹುಟ್ಟುವುದರಿಂದ ಇವನ್ನು ಕಂಠೌಷ್ಠ್ಯ  ಎನ್ನುತ್ತಾರೆ.

ಉದಾ :	ಒ	ಓ	ಔ

೯. ದಂತೌಷ್ಠ್ಯ ಅಕ್ಷರ : ದಂತ ಮತ್ತು ಓಷ್ಠ ಗಳಲ್ಲಿ ಹುಟ್ಟುವುದರಿಂದ  ಇದನ್ನು ದಂತೌಷ್ಠ್ಯ ಎಂದು ಹೇಳುತ್ತಾರೆ.

ಉದಾ :	ವ

೨. ಗುಣಿತಾಕ್ಷರಗಳು : ವ್ಯಂಜನಗಳಿಗೆ ಸ್ವರಗಳನ್ನು ಸೇರಿಸುವುದರಿಂದ ಉಂಟಾಗುವ ಮಿಶ್ರವರ್ಣಗಳಿಗೆ ಗುಣಿತಾಕ್ಷರಗಳು ಅಥವಾ ಕಾಗುಣಿತಗಳೆನ್ನುವರು.ಇಲ್ಲಿ ಒಂದು ವ್ಯಂಜನಾಕ್ಷರ ಮಾದರಿ ತೋರಿಸಲಾಗುವುದು ಹೀಗೆ ಎಲ್ಲಾ ವ್ಯಂಜನಾಕ್ಷರಗಳನ್ನ ಬರೆದು ತೆಗೆಯಬೇಕು. 

ಉದಾಹರಣೆ

ವ್ಯಂಜನ	+	ಸ್ವರ	=	ಗುಣಿತಾಕ್ಷರ
ಕ್	+	ಅ	=	ಕ
ಕ್	+	ಆ	=	ಕಾ
ಕ್	+	ಇ	=	ಕಿ
ಕ್	+	ಈ	=	ಕೀ
ಕ್	+	ಉ	=	ಕು
ಕ್	+	ಊ	=	ಕೂ
ಕ್	+	ಋ	=	ಕೃ
ಕ್	+	ಎ	=	ಕೆ
ಕ್	+	ಏ	=	ಕೇ
ಕ್	+	ಐ	=	ಕೈ
ಕ್	+	ಒ	=	ಕೊ
ಕ್	+	ಓ	=	ಕೋ
ಕ್	+	ಔ	=	ಕೌ
ಕ್	+	ಅಂ	=	ಕಂ
ಕ್	+	ಅಃ	=	ಕಃ

೩. ಸಂಯುಕ್ತಾಕ್ಷರ : “ಯಾವುದಾದರೂ ಒಂದು ಪದದಲ್ಲಿ ಎರಡು ಅಥವಾ ಅದಕ್ಕಿಂತ ಹೆಚ್ಚು ವ್ಯಂಜನಗಳು ಒಂದರ ನಂತರ ಒಂದು ಬಂದು ಅವುಗಳಾದ ಮೇಲೆ ಒಂದು ಸ್ವರ ಬಂದರೆ ಅಂತಹ ಅಕ್ಷರಗಳನ್ನು ಸಂಯುಕ್ತಾಕ್ಷರ/ಒತ್ತಕ್ಷರ ಎಂದು ಕರೆಯುತ್ತೇವೆ”. 

ಉದಾಹರಣೆ

೧. 'ಪುಸ್ತಕ' ಇದರಲ್ಲಿ 'ಸ್ತ' ಒತ್ತಕ್ಷರ ಇದನ್ನು ಬರೆಯುವ ಕ್ರಮ ಹೀಗಿದೆ.

ಸ್	+	ತ್	+	ಅ	=	ಸ್ತ

೨. 'ರಾಷ್ಟ್ರ' ಇದರಲ್ಲಿ 'ಷ್ಟ್ರ' ಒತ್ತಕ್ಷರ ಇದನ್ನು ಬರೆಯುವ ಕ್ರಮ ಹೀಗಿದೆ.

ಷ್	+	ಟ್	+	ರ್	+	ಅ	=	ಷ್ಟ್ರ

ಗಮನಿಸಿ

ಒತ್ತಕ್ಷರದಲ್ಲಿ ವ್ಯಂಜನಗಳು ಮಾತ್ರ ಒತ್ತು ಆಗುವವು; ಸ್ವರಗಳು ಒತ್ತು ಆಗುವುದಿಲ್ಲ. 

ಉದಾಹರಣೆ

ವಿಕೃತ, ಸುಕೃತ,ದೃಷ್ಟಿ,ಅಮೃದ್ಧ, ಇವುಗಳಲ್ಲಿ 'ಕೃ, ದೃ,ಮೃ', ಇವು ಒತ್ತಕ್ಷರಗಳಲ್ಲ. ಅವು ಸ್ವರ ಚಿಹ್ನೆಗಳು. 

ಸಂಯುಕ್ತಾಕ್ಷರಗಳ ವಿಧಗಳು 

೧. ಸಜಾತಿಯ ಸಂಯುಕ್ತಾಕ್ಷರಗಳು

೨. ವಿಜಾತೀಯ ಸಂಯುಕ್ತಾಕ್ಷರಗಳು 

೧. ಸಜಾತಿಯ ಸಂಯುಕ್ತಾಕ್ಷರಗಳು : “ಯಾವುದೇ ಪದದಲ್ಲಿ ಒಂದೇ ವ್ಯಂಜನವು ಎರಡು ಬಾರಿ ಬಂದು ನಂತರ ಸ್ವರವೊಂದು ಬಂದರೆ ಅಂತಹ ಅಕ್ಷರಗಳನ್ನು ಸಜಾತೀಯ ವ್ಯಂಜನಾಕ್ಷರಗಳು ಎನ್ನುತ್ತೇವೆ” - ಕತ್ತೆ,ಅಕ್ಕ ಹಗ್ಗ , ಅಜ್ಜ , ತಮ್ಮ , ಅಪ್ಪ .

ಉದಾಹರಣೆ

ಕತ್ತೆ	–	ಕ್ + ತ್ + ತ್ + ಎ
ಅಕ್ಕ	–	ಅ + ಕ್ + ಕ್ + ಅ

೨. ವಿಜಾತೀಯ ಸಂಯುಕ್ತಾಕ್ಷರಗಳು : “ಯಾವುದೇ ಪದದಲ್ಲಿ ಎರಡು ಬೇರೆ ಬೇರೆ ವ್ಯಂಜನಗಳು ಬಂದು ನಂತರ ಸ್ವರವೊಂದು ಬಂದರೆ ಅಂತಹ ಅಕ್ಷರಗಳನ್ನು ವಿಜಾತೀಯ ಸಂಯುಕ್ತಾಕ್ಷರಗಳು ಎನ್ನುತ್ತೇವೆ”. - ಅಗ್ನಿ, ಆಪ್ತ,ಸೂರ್ಯ, ಮಗ್ನ , ಸ್ವರ, ಪ್ರಾಣ

ಉದಾಹರಣೆ

ಅಗ್ನಿ	–	ಅ+ ಗ್ + ನ್ + ಇ
ಆಪ್ತ	–	ಆ + ಪ್ + ತ್ + ಅ

ಗಮನಿಸಿ : ಇಲ್ಲಿಯವರೆಗೂ  ಮೂಲಾಕ್ಷರಗಳ ಉಚ್ಚಾರ ಸ್ಥಾನ, ಮತ್ತು ಗುಣಿತಾಕ್ಷರಗಳು ಹಾಗೂ ಒತ್ತಕ್ಷರಗಳ ಬಗ್ಗೆ ತಿಳಿಸಲಾಗಿದೆ. ಇನ್ನು ಮುಂದಿನ ಭಾಗದಲ್ಲಿ ಒತ್ತಕ್ಷರಗಳನ್ನು ವಿಭಜಿಸುವ ಕ್ರಮ ಹಾಗೂ ಸಂಧಿಗಳ ಬಗ್ಗೆ  ಉಪಲೋಡ್ ಮಾಡಲಾಗುವುದು. ಪ್ರತಿ ದಿನದ ಉಪಡೇಟ್ಸ್ ಗಾಗಿ ನಮ್ಮ ವೆಬ್ ಸೈಟ್ ಗೆ ಭೇಟಿ ಕೊಡಿ. www.chanakyakanaja.com ಧನ್ಯವಾದಗಳು.