His Second Priority Kannada Novel Part-01/ತನುವರಿತು ಮನವರಿಯದ ನಲ್ಮೇಯ ಗೆಳೆಯ

His Second Priority Kannada Novel Part-01

ತನುವರಿತು ಮನವರಿಯದ ನಲ್ಮೇಯ ಗೆಳೆಯ

"ಹಾಯ್ ಓದುಗರಿಗೆಲ್ಲರಿಗೂ ನಿಮ್ಮ ಚಾಣಕ್ಯ ಕಣಜ ಮಾಡುವ ಆದರದ ನಮಸ್ಕಾರಗಳು. 🙏 ಚಾಣಕ್ಯ ಕಣಜದ ಅಂಗಳಕ್ಕೆ ತಮಗೆಲ್ಲರಿಗೂ ಆತ್ಮೀಯ ಸ್ವಾಗತ. 💐💐 ಅಕ್ಷರಗಳ ಲೋಕದಲ್ಲಿ ಅರಳಿದ ಈ ಹೊಸ ಕಾದಂಬರಿಯ ಪುಟಗಳ ಪುಟ ತಿರುವುತ್ತಾ, ಕಥೆಯ ಆಳಕ್ಕೆ ಇಳಿಯಲು ಸಿದ್ಧರಾಗಿ. ಬನ್ನಿ, ಇಂದಿನ ವಿಶೇಷ ಅಧ್ಯಾಯ ನಿಮ್ಮ ಮುಂದಿದೆ..."

"ಇಂದಿನ ಕನೆಕ್ಟೆಡ್ ಜಗತ್ತಿನಲ್ಲಿ ನಿಜವಾದ 'ಕನೆಕ್ಷನ್' ಎಲ್ಲೋ ಕಳೆದುಹೋಗಿದೆ. ದೈಹಿಕ ಸಾಮೀಪ್ಯವೇ ಪ್ರೀತಿ ಎಂದು ನಂಬುವ ಕಾಲಘಟ್ಟದಲ್ಲಿ, ಮನಸ್ಸಿನ ಒಲವನ್ನು ಹುಡುಕುವ ಹಂಬಲದ ಕಥೆಯಿದು. ತನುವಿನ ಆಸೆಗಳಿಗೆ ಸ್ಪಂದಿಸಿ, ಮನಸ್ಸಿನ ಆಳದ ಭಾವನೆಗಳನ್ನು ಗ್ರಹಿಸಲು ವಿಫಲನಾಗುವ ಒಬ್ಬ ಗೆಳೆಯ ಮತ್ತು ಆತನ ನೆರಳಲ್ಲೇ ಒಂಟಿತನ ಅನುಭವಿಸುವ ಜೀವದ ನಡುವಿನ ಸಂಘರ್ಷವೇ ಈ ಕಾದಂಬರಿ."

"ಸ್ಪರ್ಶ ಸುಲಭ, ಆದರೆ ಅರ್ಥ ಮಾಡಿಕೊಳ್ಳುವುದು ಕಷ್ಟ. ಕೆಲವೊಮ್ಮೆ ಜಗತ್ತಿನ ಅತ್ಯಂತ ಆಪ್ತವಾದ ಅಪ್ಪುಗೆಯೂ ಕೂಡ ಇಬ್ಬರು ವ್ಯಕ್ತಿಗಳ ನಡುವಿನ ಮೈಲುಗಟ್ಟಲೆ ದೂರವನ್ನು ಅಳಿಸಲು ಸಾಧ್ಯವಾಗುವುದಿಲ್ಲ. ತನುವಿನ ಭಾಷೆ ಸುಲಭವಾಗಿ ಅರ್ಥವಾಗುವ ಕಡೆ, ಮನಸ್ಸಿನ ಮೌನ ಕೊನೆಯವರೆಗೂ ಬಗೆಹರಿಯದ ಒಗಟಾಗಿಯೇ ಉಳಿದುಬಿಡುತ್ತದೆ. ಇದು ಕೇವಲ ಇಬ್ಬರು ವ್ಯಕ್ತಿಗಳ ಕಥೆಯಲ್ಲ; ದೈಹಿಕವಾಗಿ ಹತ್ತಿರವಿದ್ದೂ, ಮಾನಸಿಕವಾಗಿ ಪರಸ್ಪರ ಅಪರಿಚಿತರಾಗಿ ಉಳಿದ ಇಬ್ಬರು ಆತ್ಮಗಳ ಭಾವನಾತ್ಮಕ ಜೂಜಾಟ."

 

"ದೇವರಿಗೂ ಕೇಳಿಸದ ನನ್ನ ಮೌನ, ಕನಿಷ್ಠ ನಿಮ್ಮ ಮನಸ್ಸನ್ನಾದರೂ ಗೆಲ್ಲಬಹುದೇ?"

"ಅವನ ತನುವಿನ ಸ್ಪರ್ಶದಲ್ಲಿ ನಾನು ನನ್ನ ಇಡೀ ಜಗತ್ತನ್ನೇ ಕಂಡುಕೊಂಡಿದ್ದೆ. ಅವನು ನನ್ನ 'ನಲ್ಮೇಯ ಗೆಳೆಯ'ನೇ ಆಗಿದ್ದ. ಆದರೆ, ನಾನು ಅವನ ಪ್ರಪಂಚವಾಗಲು ಬಯಸಿದಾಗಷ್ಟೇ ಆ ಕಹಿ ಸತ್ಯ ನನಗೆ ಅರಿವಾಗಿದ್ದು—ಗೆಳೆಯನಿಗೆ ಹೆಂಡತಿಯ ಮತ್ತೊಂದು ಪ್ರಪಂಚವಿದೆ ಮತ್ತು ಅಲ್ಲಿ ನನಗೆ ಜಾಗವಿಲ್ಲ ಎಂದು.

ನನ್ನ ಪಾಲಿಗೆ ಅವನೇ ಸರ್ವಸ್ವವಾಗಿದ್ದಾಗ, ಅವನ ಪಾಲಿಗೆ ನಾನು ಕೇವಲ ಒಂದು ತಾತ್ಕಾಲಿಕ ನೆರಳು ಅಷ್ಟೇ ಆಗಿದ್ದೆ. ತನುವಿನ ಹಂಬಲ ತೀರಿದ ಮೇಲೆ ಸಿಕ್ಕಿದ್ದು ಕೇವಲ ತಿರಸ್ಕಾರ ಮತ್ತು ಒಂಟಿತನ. ಈ ನನ್ನ ಸುಡುವ ನೋವು ಸೃಷ್ಟಿಕರ್ತನಾದ ಆ ದೇವರಿಗೂ ಅರ್ಥವಾಗಲಿಲ್ಲ, ನನ್ನ ಜೀವವಾಗಿದ್ದ ಆ ಗೆಳೆಯನಿಗೂ ತಿಳಿಯಲಿಲ್ಲ.

ಇಂದು ನಾನು ಬರೆಯುತ್ತಿರುವ ಈ ಕಣ್ಣೀರಿನ ಅಕ್ಷರಗಳು ಓದುಗರಾದ ನಿಮ್ಮ ಮನಸ್ಸನ್ನಾದರೂ ಗೆಲ್ಲಲಿ. ನಾನು ಅನುಭವಿಸಿದ ತಿರಸ್ಕಾರದ ಬೆಂಕಿ ಎಷ್ಟು ಸುಡುತ್ತಿತ್ತು ಎಂದು ನನ್ನ ಅಕ್ಷರಗಳ ಮೂಲಕವಾದರೂ ಒಂದು ದಿನ ಆ ಗೆಳೆಯನಿಗೆ ಅರ್ಥವಾಗಲಿ ಎಂಬ ಏಕೈಕ ಆಸೆಯಿಂದ ಈ ಕಾದಂಬರಿ ನಿಮ್ಮ ಮುಂದೆ..."

His Second Priority Kannada Novel— Part 1: ತನುವರಿತು ಮನವರಿಯದ ನಲ್ಮೇಯ ಗೆಳೆಯ

"ಕೆಲವು ಪ್ರೀತಿಗಳು ಸಮಾಜದ ಕಣ್ಣಿಗೆ ಪಾಪದಂತೆ ಕಾಣಬಹುದು. ಆದರೆ ಅನುಭವಿಸುವ ಜೀವಕ್ಕೆ ಅದುವೇ ಉಸಿರಾಗಿರುತ್ತದೆ. ನನ್ನ ಕಥೆಯೂ ಅಷ್ಟೇ...

ಅವನು ನನ್ನ ಬದುಕಿಗೆ ಬಂದಾಗ ನನಗೆ ಗೊತ್ತಿರಲಿಲ್ಲ, ನಾನು ಮತ್ತೊಬ್ಬಳ ಹಕ್ಕನ್ನು ಕಸಿದುಕೊಳ್ಳುತ್ತಿದ್ದೇನೆ ಎಂದು. ಅಥವಾ ಅವನೇ ಬಂದು ನನ್ನ ಒಂಟಿತನಕ್ಕೆ ಆಸರೆಯಾದಾಗ, ಆ ಬೆಚ್ಚಗಿನ ಅಪ್ಪುಗೆಯ ಹಿಂದೆ ಇಷ್ಟೊಂದು ದೊಡ್ಡ ಕತ್ತಲೆಯಿದೆ ಎಂದು ನಾನು ಊಹಿಸಿರಲಿಲ್ಲ.

ಅವನಿಗೆ ಹೆಂಡತಿ ಇದ್ದಾಳೆ, ಮುದ್ದಾದ ಮಕ್ಕಳಿದ್ದಾರೆ. ಅವನದ್ದೊಂದು ಪರಿಪೂರ್ಣ ಸಂಸಾರವಿದೆ. ಆದರೆ ನನ್ನ ಪ್ರಪಂಚದಲ್ಲಿ ಅವನೊಬ್ಬನೇ ಇದ್ದಾನೆ. ಪ್ರತಿ ಬಾರಿ ನಾವು ಭೇಟಿಯಾದಾಗಲೂ ಅವನ ತನುವಿನ ಸ್ಪರ್ಶದಲ್ಲಿ ನಾನು ನನ್ನ ಇಡೀ ಜಗತ್ತನ್ನೇ ಮರೆತುಬಿಡುತ್ತಿದ್ದೆ. ಅವನ ಕೈ ಬೆರಳುಗಳು ನನ್ನ ಮುಖವನ್ನು ಸವರುತ್ತಿದ್ದಾಗ, ಅವನ ಉಸಿರು ನನ್ನ ಕುತ್ತಿಗೆಯನ್ನು ಸ್ಪರ್ಶಿಸುತ್ತಿದ್ದಾಗ... ನಾನೇ ಅವನ ಸರ್ವಸ್ವ ಅಂದುಕೊಳ್ಳುತ್ತಿದ್ದೆ. ನನ್ನ ದೇಹದ ಪ್ರತಿ ಅಣು ಅಣುವನ್ನೂ ಅವನು ಬಲ್ಲವನಾಗಿದ್ದ. ನನ್ನನ್ನು ತನ್ನ ಬಾಹುಬಂಧನದಲ್ಲಿ ತಬ್ಬಿ ಹಿಡಿದಾಗ ಅವನೇ ನನ್ನ 'ನಲ್ಮೇಯ ಗೆಳೆಯ' ಎಂದು ನಂಬಿದ್ದೆ.ಆದರೆ, ಆ ತನುವಿನ ಹಂಬಲ ತೀರಿದ ಮರುಕ್ಷಣವೇ ಪರಿಸ್ಥಿತಿ ಬದಲಾಗುತ್ತಿತ್ತು.

ನನ್ನ ಪಕ್ಕದಲ್ಲೇ ಮಲಗಿದ್ದರೂ ಅವನ ಕಣ್ಣುಗಳು ಮೊಬೈಲ್ ಸ್ಕ್ರೀನ್ ಕಡೆ ಇರುತ್ತಿದ್ದವು. ಹೆಂಡತಿಯ ವಾಟ್ಸಾಪ್ ಮೆಸೇಜ್‌ಗೆ ಆತ ಕರಗುತ್ತಿದ್ದ ಆ ಮುಖಭಾವ, ಮಕ್ಕಳ ವಿಡಿಯೋ ಕಾಲ್ ಬಂದಾಗ ನನ್ನನ್ನು ಮೌನವಾಗಿರಲು ಸನ್ನೆ ಮಾಡುತ್ತಿದ್ದ ಆ ಕೈಗಳು... ನನ್ನ ಎದೆಯನ್ನು ಸೀಳಿದಂತಾಗುತ್ತಿತ್ತು. ದೈಹಿಕವಾಗಿ ನನ್ನ ಅತ್ಯಂತ ಹತ್ತಿರವಿದ್ದ ಮನುಷ್ಯ, ಮಾನಸಿಕವಾಗಿ ನನ್ನಿಂದ ಮೈಲುಗಟ್ಟಲೆ ದೂರವಿದ್ದ ಪ್ರಪಂಚಕ್ಕೆ ಸೇರಿದವನಾಗಿದ್ದ.

ಅವನ ತನುವಿನ ಆಸೆಗಳಿಗೆ ನಾನೇ ಜಗತ್ತು. ಆದರೆ ಅವನ ಬದುಕಿನ ಅಸಲಿ ಪ್ರಪಂಚ ಬೇರೆಯದೇ ಇತ್ತು. ಅಲ್ಲಿ ನನಗೊಂದು ಪುಟ್ಟ ಸ್ಥಾನವೂ ಇರಲಿಲ್ಲ.

ನನ್ನ ಒಳಗಿನ ಈ ಆಕ್ರಂದನ, ನನ್ನ ಕಣ್ಣೀರು ಮತ್ತು ಆ ತೀವ್ರವಾದ ಒಂಟಿತನ ಸೃಷ್ಟಿಕರ್ತನಾದ ಆ ದೇವರಿಗೂ ಕೇಳಿಸಲಿಲ್ಲ. ನನ್ನ ಜೀವವಾಗಿದ್ದ ಆ ಗೆಳೆಯನಿಗೂ ಅರ್ಥವಾಗಲಿಲ್ಲ. ಕೊನೆಗೆ ನನಗೆ ಸಿಕ್ಕಿದ್ದು ಕೇವಲ ತಿರಸ್ಕಾರದ ನೋವು ಮತ್ತು ಒಂಟಿತನ. ನಾನು ಅವನ ಬದುಕಿನ ಮುಚ್ಚಿಟ್ಟ ಪುಟ, ಕೇವಲ ಅವನ 'ಎರಡನೇ ಆದ್ಯತೆ' (Second Priority) ಅಷ್ಟೇ..." 

"ನಮ್ಮ ಆರಂಭದ ದಿನಗಳು ಹೀಗಿರಲಿಲ್ಲ. ಅವನು ನನ್ನ ಬದುಕಿಗೆ ಬಂದಾಗ ಆತನಿಗೆ ಮದುವೆಯಾಗಿ ಒಂದೆರಡು ವರ್ಷಗಳಾಗಿದ್ದವು. ಆದರೆ ಹೆಂಡತಿಯಿಂದ ಆತನಿಗೆ ದಾಂಪತ್ಯದ ಸುಖ ಸಿಗುತ್ತಿರಲಿಲ್ಲ. ಆಕೆಯ ನಿರಾಸಕ್ತಿ ಮತ್ತು ಕಡೆಗಣನೆಯಿಂದ ಆತ ಒಂಟಿಯಾಗಿದ್ದ, ಆತನ ಆಸೆಗಳು ಅಪೂರ್ಣವಾಗಿದ್ದವು. ದಾಂಪತ್ಯದ ಆ ಒಣ ಹಾದಿಯಲ್ಲಿ ಆತನಿಗೆ ಮಕ್ಕಳೂ ಇರಲಿಲ್ಲ. ಅಂತಹ ಒಂದು ಕಠಿಣ ಪರಿಸ್ಥಿತಿಯಲ್ಲಿ ನನ್ನ ಪರಿಚಯವಾಗಿ, ನಮ್ಮ ನಡುವಿನ ಸ್ನೇಹ ಗಾಢವಾಯಿತು. ಆತನ ಒಂಟಿತನಕ್ಕೆ ನನ್ನ ಒಲವು ಆಸರೆಯಾಯಿತು, ಆತನ ಹಂಬಲಗಳಿಗೆ ನನ್ನ ತನುವಿನ ಸ್ಪರ್ಶ ಸಾಂತ್ವನ ನೀಡಿತು.

ಆ ದಿನಗಳಲ್ಲಿ ನನ್ನ ಪ್ರಪಂಚ ಬೇರೆಯದೇ ಇತ್ತು. ಆದರೆ ಆತನಿಗೆ ಹೆಂಡತಿ ಇದ್ದಾಳೆ ಎಂಬ ಸತ್ಯ ತಿಳಿಸಿದ ಆ ಕ್ಷಣ, ಜಗತ್ತೇ ನನ್ನ ಕಾಲಡಿಯಿಂದ ಜಾರಿದಂತಾಯಿತು. ಕ್ಷಣ ಸಮಯದ ಬಳಿಕ ಈಗಾಗಲೇ ನೊಂದು ಕಂಗಾಲಾದ ಆ ಜೀವ ಆ ಸತ್ಯವನ್ನು ಅನುಸರಿಸಿಕೊಂಡು ಹೋಗಲು ದೃಢ ನಿರ್ಧಾರ ಮಾಡಿದಳು. ನಿನ್ನ ಪ್ರೀತಿಯನ್ನು ನಂಬಿದೆ. ಈಗ ನನಗೂ ನಿನ್ನ ಹೆಂಡತಿಯಂತೆ ಒಂದು ಗೌರವದ ಸ್ಥಾನ ಕೊಡು, ನನಗೂ ತಾಳಿ ಕಟ್ಟು’ ಎಂದು. ಆದರೆ ಗೆಳೆಯ ತಕ್ಷಣವೇ ಹೇಳಿದ—‘ನನಗೆ ಈಗಾಗಲೇ ಮದುವೆಯಾಗಿದೆ. ಸಮಾಜ ಇದನ್ನು ಒಪ್ಪಲ್ಲ. ನೀನು ಬೇರೆ ಮದುವೆಯಾಗಿ ನಿನ್ನ ದಾರಿ ನೋಡಿಕೋ...’ಎಂದು

ಅವನು ಎಷ್ಟು ಸುಲಭವಾಗಿ ಹೇಳಿಬಿಟ್ಟಿದ್ದ! ಆದರೆ ಆತ ಆ ಮಾತನ್ನು ಹೇಳುವಷ್ಟರಲ್ಲೇ ತಡವಾಗಿಹೋಗಿತ್ತು. ನಾನು ನನ್ನ ನಂಬಿಕೆ, ನನ್ನ ಉಸಿರು, ನನ್ನ ಮನಸ್ಸು ಮತ್ತು ಇಡೀ ದೇಹವನ್ನು ಆ 'ನಲ್ಮೇಯ ಗೆಳೆಯ'ನಿಗೆ ಸಂಪೂರ್ಣವಾಗಿ ಅರ್ಪಿಸಿಬಿಟ್ಟಿದ್ದೆ. ಮತ್ತೊಬ್ಬ ಪುರುಷನನ್ನು ನನ್ನ ತನುವಿನಿಂದಾಗಲಿ, ಮನಸ್ಸಿನಿಂದಾಗಲಿ ಮುಟ್ಟುವ ಕಲ್ಪನೆಯೂ ನನಗೆ ಅಸಾಧ್ಯವಾಗಿತ್ತು.

ಅವನು ನನ್ನನ್ನು ಮದುವೆಯಾಗಲು ನಿರಾಕರಿಸಿದರೂ, ನನ್ನ ಪ್ರೀತಿ ಮಾತ್ರ ಬದಲಾಗಲಿಲ್ಲ. ಅಲ್ಲಿಂದ ಇಂದಿನವರೆಗೂ ನಾನು ಬದುಕುತ್ತಿರುವುದು ಕೇವಲ ಅವನಿಗಾಗಿ ಮಾತ್ರ. ಇಂದು ಅವನ ಸಂಸಾರ ಹಸನಾಗಿದೆ, ಅದೇ ಹೆಂಡತಿಯಿಂದ ಆತನಿಗೆ ಮುದ್ದಾದ ಮಕ್ಕಳಾಗಿದ್ದಾರೆ. ಅವನ ಪ್ರಪಂಚ ಈಗ ತುಂಬಿ ತುಳುಕುತ್ತಿದೆ. ಆದರೆ ನನ್ನ ಜಗತ್ತು ಮಾತ್ರ ಅಂದಿನಿಂದ ಇಂದಿನವರೆಗೂ ಆತ ನೀಡಿದ ತಿರಸ್ಕಾರದ ನೆರಳಲ್ಲೇ ನಿಂತುಹೋಗಿದೆ. ನಾನು ಇಂದಿಗೂ ಬದುಕುತ್ತಿರುವುದು ನನ್ನ ಜೀವಕ್ಕಾಗಿ ಅಲ್ಲ, ನನ್ನನ್ನು ಅರ್ಧ ಹಾದಿಯಲ್ಲಿ ಬಿಟ್ಟು ತನ್ನದೇ ಜಗತ್ತಿನಲ್ಲಿ ಮೈಮರೆತಿರುವ ಆ ಗೆಳೆಯನಿಗಾಗಿ..."

"ನನ್ನ ಪ್ರೀತಿ ಸ್ವಾರ್ಥದ್ದೋ ಅಥವಾ ನಿಸ್ವಾರ್ಥದ್ದೋ ಎಂಬುದು ದೇವರಿಗೂ ತಿಳಿಯಲಿಲ್ಲ. ಓದುಗರಾದ ನಿಮ್ಮ ಕಣ್ಣುಗಳಿಗಾದರೂ ನನ್ನ ಕಣ್ಣೀರು ಕಾಣಿಸುತ್ತಿದೆಯೇ? ನಿಮ್ಮ ಅನಿಸಿಕೆಯನ್ನು ಕೆಳಗಿನ ಕಮೆಂಟ್ ಬಾಕ್ಸ್‌ನಲ್ಲಿ ಹಂಚಿಕೊಳ್ಳಿ..."

ನನ್ನ ಅಂತರಂಗದ ಭಾವನೆಗಳಿಗೆ ಅಕ್ಷರ ರೂಪ ನೀಡಿ ಬರೆದ ಈ ಕಾದಂಬರಿಯ ಮೊದಲ ಸಂಚಿಕೆಯನ್ನು ಇಲ್ಲಿಯವರೆಗೆ ಓದಿದ ನಿಮ್ಮೆಲ್ಲರಿಗೂ ನನ್ನ ಹೃತ್ಪೂರ್ವಕ ನಮನಗಳು.

ಒಂದು ಸಾಹಿತ್ಯಿಕ ಪ್ರಯತ್ನಕ್ಕೆ ಬ್ಲಾಗ್ ಮೂಲಕ ಡಿಜಿಟಲ್ ವೇದಿಕೆ ಕಲ್ಪಿಸಿಕೊಟ್ಟಾಗ, ಅದನ್ನು ಅಷ್ಟೇ ಪ್ರೀತಿಯಿಂದ ಸ್ವಾಗತಿಸಿ ಓದುವ ನಿಮ್ಮಂತಹ ಓದುಗರೇ ನನ್ನ ಬರವಣಿಗೆಯ ಅತಿ ದೊಡ್ಡ ಶಕ್ತಿ. ನಿಮ್ಮ ಪ್ರತಿಯೊಂದು ಕಮೆಂಟ್ ನನಗೆ ಮುಂದಿನ ಭಾಗವನ್ನು ಇನ್ನು ಚೆನ್ನಾಗಿ ಬರೆಯಲು ಪ್ರೇರಣೆ ನೀಡುತ್ತದೆ.

ಈ ಕಥೆಯ ಬಗ್ಗೆ ನಿಮ್ಮ ಅನಿಸಿಕೆ, ಅಭಿಪ್ರಾಯಗಳನ್ನು ಕೆಳಗಿನ ಕಮೆಂಟ್ ಬಾಕ್ಸ್‌ನಲ್ಲಿ ಖಂಡಿತವಾಗಿ ಹಂಚಿಕೊಳ್ಳಿ. ನಿಮ್ಮ ಸಲಹೆಗಳಿಗಾಗಿ ನಾನು ಕಾಯುತ್ತಿರುತ್ತೇನೆ.

"ಮುಂದಿನ ಸಂಚಿಕೆಯ ಒಲವಿನೊಂದಿಗೆ ಮತ್ತೆ ನಿಮ್ಮ ಮುಂದೆ ಬರುವೆ"

ಇಂತಿ ನಿಮ್ಮ,

'ಮನಮೌನರಾಗಿ'

#KannadaNovels #ಕನ್ನಡಕಥೆಗಳು #EmotionalLoveStory #Heartbreak #UnspokenPain #KannadaWriters  #ಕನ್ನಡಕಾದಂಬರಿ #ಪ್ರೇಮಕಥೆ #ಮನಮೌನರಾಗಿ #ತನುವರಿತುಮನವರಿಯದನಲ್ಮೇಯಗೆಳೆಯ  #ಕನ್ನಡಬ್ಲಾಗ್  #KannadaStories