Ad Code

Ticker

6/recent/ticker-posts

Click Below Image to Join Our Telegram For Latest Updates

His Second Priority Kannada Novel Part-02/ಹೆಂಡತಿ-ಮಕ್ಕಳ ಆ ಪ್ರಪಂಚ

His Second Priority Kannada Novel Part-02
ಹೆಂಡತಿ-ಮಕ್ಕಳ ಆ ಪ್ರಪಂಚ
ಹೆಂಡತಿ-ಮಕ್ಕಳ ಆ ಪ್ರಪಂಚ
"ಹಾಯ್ ಓದುಗರಿಗೆಲ್ಲರಿಗೂ ನಿಮ್ಮ ಚಾಣಕ್ಯ ಕಣಜ ಮಾಡುವ ಆದರದ ನಮಸ್ಕಾರಗಳು. 🙏 ಚಾಣಕ್ಯ ಕಣಜದ ಅಂಗಳಕ್ಕೆ ತಮಗೆಲ್ಲರಿಗೂ ಆತ್ಮೀಯ ಸ್ವಾಗತ. 💐💐 ಅಕ್ಷರಗಳ ಲೋಕದಲ್ಲಿ ಅರಳಿದ ಈ ಹೊಸ ಕಾದಂಬರಿಯ ಪುಟಗಳ ಪುಟ ತಿರುವುತ್ತಾ, ಕಥೆಯ ಆಳಕ್ಕೆ ಇಳಿಯಲು ಸಿದ್ಧರಾಗಿ. ಬನ್ನಿ, ಇಂದಿನ ವಿಶೇಷ ಅಧ್ಯಾಯ ನಿಮ್ಮ ಮುಂದಿದೆ..."
"ನಮ್ಮ ಪ್ರೀತಿಯ ಜಗತ್ತಿಗೆ ನಾವಿಬ್ಬರೇ ಸಾಕ್ಷಿಯಾಗಿದ್ವಿ. ಜಗತ್ತಿನ ಕಣ್ಣಿಗೆ ಬೀಳದಂತೆ, ರಹಸ್ಯದ ಪರದೆಯ ಹಿಂದೆ ನಮ್ಮ ಸಂಬಂಧ ನಿಶ್ಶಬ್ದವಾಗಿ ಸಾಗುತ್ತಿತ್ತು. ಆದರೆ ಅದೆಷ್ಟೇ ಬಚ್ಚಿಟ್ಟರೂ ಒಲವಿನ ಸುಗಂಧ ಹೊರಬೀಳದೆ ಇರುತ್ತದೆಯೇ?
ಒಂದು ದಿನ ನಮ್ಮ ಸಂಬಂಧದ ಸುಳಿವು ಅವನ ಹೆಂಡತಿಗೆ ಸಿಕ್ಕೇಬಿಟ್ಟಿತು. ಆ ದಿನ ನನ್ನ ಮೊಬೈಲ್ ಸ್ಕ್ರೀನ್ ಮೇಲೆ ಅವನ ನಂಬರ್‌ನಿಂದ ಬರುವ ಪ್ರತಿ ಮೆಸೇಜ್‌ಗೂ ಒಂದು ತಲ್ಲಣವಿತ್ತು. ಹೆಂಡತಿಯ ಅನುಮಾನದಿಂದ ಬಚಾವಾಗಲು ಅವನು ಏನೋ ಸುಳ್ಳು ಹೇಳಿ ಪರಿಸ್ಥಿತಿಯನ್ನು ಮ್ಯಾನೇಜ್ ಮಾಡಿದ್ದ. ಆದರೆ ಅದರ ಬೆಲೆ ತೆತ್ತಿದ್ದು ಮಾತ್ರ ನಾನು. ತನ್ನ ಹೆಂಡತಿಗೆ ಮತ್ತೆ ಅನುಮಾನ ಬಾರದಿರಲಿ ಎಂದು ಅವನು ತಕ್ಷಣವೇ ನನ್ನನ್ನು ವಾಟ್ಸಾಪ್‌ನಲ್ಲಿ ಬ್ಲಾಕ್ ಮಾಡಿಬಿಟ್ಟ. ನನ್ನ ಉಸಿರಾಗಿದ್ದವನು ಒಂದೇ ಒಂದು ಮೆಸೇಜ್ ಮಾಡಲು ಸಾಧ್ಯವಾಗದಷ್ಟು ದೂರ ತಳ್ಳಿಬಿಟ್ಟಿದ್ದ.
ಎಲ್ಲವೂ ತಿಳಿದ ಮೇಲೆ ನಾನು ಅವನನ್ನು ಭೇಟಿಯಾದಾಗ, ನನ್ನ ನೋವನ್ನು ಕೇಳುವ ಮುನ್ನವೇ ಅವನು ಅಸಹಾಯಕತೆಯ ಮುಖವಾಡ ತೊಟ್ಟು ಅಳಲು ತೊಡಗಿದ.
‘ನನ್ನ ಪರಿಸ್ಥಿತಿ ನಿನಗೆ ಎಲ್ಲಾ ಗೊತ್ತು. ನನ್ನ ಹೆಂಡತಿ ಎಂತಹವಳು ಅಂತ ನಿನಗೆ ತಿಳಿಯದ್ದೇನಲ್ಲ? ನಿನ್ನ ವಿಚಾರ ಗೊತ್ತಾಗಿ ಅವಳು ಇಡೀ ಊರಿನಲ್ಲೇ ನನ್ನ ಮಾನ ಕಳೆದಿದ್ದಾಳೆ. ನನ್ನ ಇಜ್ಜತ್ ಮಣ್ಣು ಪಾಲಾಗಿದೆ...’ ಎಂದು ತನ್ನ ಅಳಲನ್ನು ತೋಡಿಕೊಂಡ.
ಅವನು ನನ್ನನ್ನು ಬ್ಲಾಕ್ ಮಾಡಿದ ನೋವು, ನನ್ನ ಪ್ರೀತಿಯನ್ನು ಮುಚ್ಚಿಟ್ಟ ಆಕ್ರೋಶ—ಎಲ್ಲವೂ ಅವನ ಆ ಒಂದು ಮಾತಿಗೆ ಕರಗಿ ನೀರಾಗಿಹೋಯಿತು. ಊರಿನ ಮುಂದೆ ಅವನ ಮಾನ ಹರಾಜಾಗುತ್ತಿದೆ ಎಂಬ ಆತಂಕ ನನ್ನ ಸ್ವಂತ ನೋವಿಗಿಂತ ದೊಡ್ಡದಾಗಿ ಕಂಡಿತು. ಅವನು ತಪ್ಪು ಮಾಡಿದ್ದರೂ, ಅವನ ಸಂಸಾರ ಒಡೆಯಬಾರದು ಎಂಬ ಹಂಬಲ ನನ್ನದಾಗಿತ್ತು.
ನನ್ನ ಎದೆಯೊಳಗಿನ ಕಣ್ಣೀರನ್ನು ನುಂಗಿ, ಅವನ ಕೈಗಳನ್ನು ಹಿಡಿದು ನಾನೇ ಅವನನ್ನು ಸಮಾಧಾನಪಡಿಸಿದೆ: ‘ಇರಲಿ ಬಿಡಿ... ನಿಮ್ಮ ಮಾನಕ್ಕಿಂತ ನನಗೆ ಬೇರೇನೂ ದೊಡ್ಡದಲ್ಲ. ಎಲ್ಲವನ್ನೂ ನಾನೇ ಅನುಸರಿಸಿಕೊಂಡು ಹೋಗ್ತೀನಿ, ನೀವು ಸುಮ್ಮನಿರಿ’ ಎಂದು ಆತನನ್ನು ಸಾಂತ್ವನಗೊಳಿಸಿ ನಾನು ಮೌನಕ್ಕೆ ಶರಣಾದೆ.
ಅವನ ಸಂಸಾರದ ನೆಮ್ಮದಿಗಾಗಿ ನನ್ನ ಅಸ್ತಿತ್ವವನ್ನೇ ಅಳಿಸಿಕೊಳ್ಳಲು ನಾನು ಸಿದ್ಧಳಾದೆ. ಆದರೆ ಆ ಗೆಳೆಯನಿಗೆ ಇಂದಿಗೂ ಅರ್ಥವಾಗಲಿಲ್ಲ—ನಾನು ಅನುಸರಿಸಿಕೊಂಡು ಹೋಗುತ್ತಿರುವುದು ನನ್ನ ತಪ್ಪುಗಳಿಗಾಗಿ ಅಲ್ಲ, ಅವನ ಮೇಲಿರುವ ಮಿತಿಯಿಲ್ಲದ ನಿಸ್ವಾರ್ಥ ಪ್ರೀತಿಗಾಗಿ ಮಾತ್ರ..."
ನನ್ನ ಅಂತರಂಗದ ಭಾವನೆಗಳಿಗೆ ಅಕ್ಷರ ರೂಪ ನೀಡಿ ಬರೆದ ಈ ಕಾದಂಬರಿಯ ಎರಡನೆಯ ಸಂಚಿಕೆಯನ್ನು ಇಲ್ಲಿಯವರೆಗೆ ಓದಿದ ನಿಮ್ಮೆಲ್ಲರಿಗೂ ನನ್ನ ಹೃತ್ಪೂರ್ವಕ ನಮನಗಳು.
ಒಂದು ಸಾಹಿತ್ಯಿಕ ಪ್ರಯತ್ನಕ್ಕೆ ಬ್ಲಾಗ್ ಮೂಲಕ ಡಿಜಿಟಲ್ ವೇದಿಕೆ ಕಲ್ಪಿಸಿಕೊಟ್ಟಾಗ, ಅದನ್ನು ಅಷ್ಟೇ ಪ್ರೀತಿಯಿಂದ ಸ್ವಾಗತಿಸಿ ಓದುವ ನಿಮ್ಮಂತಹ ಓದುಗರೇ ನನ್ನ ಬರವಣಿಗೆಯ ಅತಿ ದೊಡ್ಡ ಶಕ್ತಿ. ನಿಮ್ಮ ಪ್ರತಿಯೊಂದು ಕಮೆಂಟ್ ನನಗೆ ಮುಂದಿನ ಭಾಗವನ್ನು ಇನ್ನು ಚೆನ್ನಾಗಿ ಬರೆಯಲು ಪ್ರೇರಣೆ ನೀಡುತ್ತದೆ.
ಈ ಕಥೆಯ ಬಗ್ಗೆ ನಿಮ್ಮ ಅನಿಸಿಕೆ, ಅಭಿಪ್ರಾಯಗಳನ್ನು ಕೆಳಗಿನ ಕಮೆಂಟ್ ಬಾಕ್ಸ್‌ನಲ್ಲಿ ಖಂಡಿತವಾಗಿ ಹಂಚಿಕೊಳ್ಳಿ. ನಿಮ್ಮ ಸಲಹೆಗಳಿಗಾಗಿ ನಾನು ಕಾಯುತ್ತಿರುತ್ತೇನೆ.
"ಮುಂದಿನ ಸಂಚಿಕೆಯ ಒಲವಿನೊಂದಿಗೆ ಮತ್ತೆ ನಿಮ್ಮ ಮುಂದೆ ಬರುವೆ"
ಇಂತಿ ನಿಮ್ಮ,
'ಮನಮೌನರಾಗಿ'

#KannadaNovels #ಕನ್ನಡಕಥೆಗಳು #EmotionalLoveStory #Heartbreak #UnspokenPain #KannadaWriters  #ಕನ್ನಡಕಾದಂಬರಿ #ಪ್ರೇಮಕಥೆ #ಮನಮೌನರಾಗಿ #ತನುವರಿತುಮನವರಿಯದನಲ್ಮೇಯಗೆಳೆಯ  #ಕನ್ನಡಬ್ಲಾಗ್  #KannadaStories

Post a Comment

0 Comments

Labels

Important PDF Notes

Ad Code